Bakıda kafedə üç nəfər bıçaqlanıb

Ağcabədi sakini kafedə kişini, onun arvadını və bacısı oğlunu bıçaqlayıb.

Daxili İşlər Nazirliyinin (DİN) mətbuat xidmətindən Xezerxeber.az-a verilən məlumata görə, Ağcabədi rayon sakini, 1998-ci il təvəllüdlü Quliyev Elxan Elşən oğlu Binəqədi rayonu ərazisində yerləşən kafedə digər masada əyləşən Cəbrayıl rayon sakini, 1972-ci il təvəllüdlü Səfərov Səməndər Zəxara oğlunu, onun həyat yoldaşı 1982-ci il təvəllüdlü Səfərova Qahirə Zəkəriya qızını və Səməndər Səfərovun bacısı oğlu 2003-cü il təvəllüdlü Məmmədli İlkin Elşən oğlunu bıçaqlayıb.

Faktla bağlı Binəqədi Rayon Polis İdarəsində Cinayət Məcəlləsinin 126.1-ci (qəsdən sağlamlığa ağır zərər vurma) maddəsi ilə cinayət işi başlanılıb, Elxan Quliyev şübhəli şəxs qismində saxlanılıb.