Bakı metrosunda ölüm hadisəsi: təcili yardım kömək edə bilmədi

Bakıda metroda ölüm hadisəsi baş verib.

XəzərXəbər xəbər verir ki, bu barədə Bakı Metropoliteni QSC-nin Mətbuat Xidmətinin rəhbəri Bəxtiyar Məmmədov bildirib.

O qeyd edib ki, hadisə səhər saat 08:10-da metronun "28 May" stansiyasında baş verib.

"Sərnişin qatarda özünü pis hiss edib. "28 May" stansiyasında o qatardan düşürülüb və təcili yardım çağırılıb. Təcili tibbi yardım hadisə yerinə çatana qədər həmin şəxs dünyasını dəyişib. Dünyasını dəyişən şəxs yaşlı kişidir", - deyə B.Məmmədov bildirib.