VAZ-lar toqquşdu: sürücülər yaralandı

Tovuz rayonunun mərkəzində VAZ markalı iki avtomobil toqquşub.

Hadisə Heydər Əliyev prospektində qeydə alınıb.

"VAZ-2106” və "VAZ-2107” markalı minik maşınlarının toqquşması nəticəsində sürücülər – Mülkülü kənd sakini Mübariz Xudiyev və Düz Cırdaxan kənd sakini, 1975-ci il təvəllüdlü XəyyamQuliyev xəsarət alıblar. Onlara hadisə yerindəcə tibbi yardım göstərilib.

Qəzaya səbəb kimi avtomobillərdən birinin qarşı yola çıxması göstərilir.

Hər iki avtomobilə ciddi ziyan dəyib.

Araşdırma aparılır.