Azərbaycanda toyda qan töküldü iki bacanaq yeznələri tərəfindən bıçaqlandı

Ucarda iki nəfər bıçaqlanıb.

APA-nın yerli bürosunun xəbərinə görə, hadisə ötən gün gecə saatlarında rayonun Qazıqumlaq kəndində keçirilən toy məclisində baş verib.

Ucar rayonunun Qaradağlı kənd sakini, 1968-ci il təvəllüdlü Sahil Əlusəndar oğlu Salmanov bıçaq xəsarəti ilə Ucar Rayon Mərkəzi Xəstəxanasına, 1988-ci il təvəllüdlü Kamil Veysəl oğlu Əhmədov isə Göyçay Mərkəzi Rayon Xəstəxanasına yerləşdiriliblər.

Məlumata görə, hadisəni törədən şəxs K. Əhmədovun yeznəsidir. Bıçaqlanan şəxslər isə bacanaqdırlar. Toy məclisində K. Əhmədovun yeznəsi ilə S. Salmanov arasında baş verən dava zamanı K. Əhmədov onları aralamaq istəyərkən ehtiyatsızlıqdan o da bıçaq xəsarəti alıb.

Ucar Rayon Polis Şöbəsindən verilən məlumata görə, hələlik saxlanılan yoxdur.