Goranboy rayonunda piyadanın ölümü ilə nəticələnən yol-nəqliyyat hadisə baş verib.
XəzərXəbər-in "Report"a istinadən verdiyi məlumata görə, qəza Bakı-Qazax avtomobil yolunda qeydə alınıb.
Belə ki, magistralın Goranboy rayonunun Goran qəsəbəsi ərazisindən keçən hissəsində ər-arvad yolu keçmək istəyirlərmiş. Bu zaman Bakıdan Gədəbəy rayonuna doğru hərəkət edən sərnişin avtobusu kişini vurub. Hələlik şəxsiyyəti məlum olmayan piyada hadisə yerindəcə ölüb.
Faktla bağlı araşdırma aparılır.