Hulusi Akardan Ermənistana XƏBƏRDARLIQ

"Bizim ümidimiz və tələbimiz Ermənistanın atəşkəsə əməl etməsi, hansısa bir yalnışlıq etməməsi və regionda atəşkəsin daimi olması, sabitliyin təmin edilməsidir".

XəzərXəbər xəbər verir ki, bunu Türkiyənin milli müdafiə naziri Hulusi Akar Konyada “TurAz Şahini - 2021” birgə taktiki-uçuş təlimlərində keçirilən "Yüksək səviyyəli müşahidəçi günü"ndə deyib.

“30 ildir işğal altında qalan torpaqlarını “Tək Vətən Hərəkatı” ilə 44 gün ərzində azad edən Azərbaycan Silahlı Qüvvələrini bir daha təbrik edirəm. Uğurlu əməliyyatdan sonra qurulan ortaq monitorinq mərkəzində Türkiyə Silahlı Qüvvələri Rusiya hərbçiləri birlikdə xidmət göstərir, atəşkəsi müşahidə edir, atəşkəsin daimi olması üçün birlikdə səy göstərirlər.

Bununla yanaşı kustar üsulla hazırlanan partlayıcıların, minaların təmizlənməsi istiqamətində Türkiyə Silahlı Qüvvəələri olaraq əlimizdən gələni edirik, bunu davam etdirəcəyik”, - H.Akar bildirib.