Bakı 26 ℃
Xəzər Xəbər
USD 1.7

Ali məktəblərdə təhsil prosesinin tədris-metodiki təminatı bazası yaradılacaq

Gündəm | 124 | 10:25 • 20 Aprel 2021
Ali məktəblərdə təhsil prosesinin tədris-metodiki təminatı bazası yaradılacaq

Ali təhsil müəssisələrində təhsil prosesinin tədris-metodiki təminatı bazası yaradılacaq. 

XəzərXəbər-in məlumatına görə, bu "Ali təhsil haqqında" qanun layihəsinin ilkin versiyasında əksini tapıb.

Layihəyə əsasən, ali təhsil müəssisənin rəhbərliyi müəssisənin tədris-metodiki təminatı zamanı aşağıdakı vəzifələri yerinə yetirir:

- tədris prosesinin təlim-metodiki, didaktik və informasiya materialları ilə təmin edilməsi, texniki vasitələrlə zənginləşdirilməsi işinə nəzarət etmək; 

- tədris prosesinin dərsliklər, dərs vəsaitləri və xarici ölkə ədəbiyyatları ilə təmin edilməsinə nəzarət etmək; 

- ömürboyu təhsilə artan tələbatın ödənilməsi üçün kitabxana fəaliyyətini modernləşdirmək, rəqəmsal təhsil resurslarından istifadə imkanlarını genişləndirmək; 

- bütün ixtisaslar və ixtisaslaşmalar üzrə metodik materialların işlənib hazırlanması və yerinə yetirilməsinə nəzarət etmək; 

- fakültə və departamentdə tədris-metodiki işlərin vəziyyətinin təhlili və ona nəzarət, elmi-metodiki materialların mənimsənilməsində professor-muəllim heyətinə praktiki yardımlar göstərmək; 

- tədris prosesinin monitorinqi və tədris prosesinin təşkilində müvafiq departamentə və digər struktur bölmələrinə metodiki yardım etmək; 

- tədris prosesinin tədris-metodiki dərslik və dərs vəsaitləri ilə, didaktik və informasiya materialları ilə təmin edilməsi, dərslərin aparılmasının, tədris proqram sənədlərinin və metodiki materialların işlənib hazırlanmasını təşkil etmək;

 - fakültə və kafedralara tədris prosesində müasir təlim texnologiyalarının tətbiqi və istifadəsinə təşkilatı və metodiki yardımlar göstərmək; 

- tədris prosesinə yeni informasiya texnologiyalarının tətbiqi, tədris plan və proqramlarının, metodiki göstərişlərin, mühazirə mətnlərinin və digər elmi-metodiki sənəd və tədris vəsaitlərinin elektron variantlarının hazırlanması işini təşkil etmək;

- kredit sistemində müvafiq icra hakimiyyəti orqanı tərəfindən müəyyən olunmuş formalar üzrə aşağıdakı tədris sənədlərindən istifadə edilir: 

- ixtisasın (ixtisaslaşmanın) tədris planı; 

- ixtisasın (ixtisaslaşmanın) tədris qrafiki; 

- ixtisasın (ixtisaslaşma) üzrə illik işçi tədris planı;

 - tələbənin fərdi tədris planı; 

- müəllimin illik işçi tədris planı.

Çox oxunanlar

XƏBƏRDARLIQ: 3 gün qaldı
381 | 10:27 • 12 May 2021
Bir həftə iş olmayacaq
951 | 17:16 • 19 Aprel 2021