Xəzər Xəbər

Adel əl-Asumi yenidən Ərəb Parlamentinin spikeri seçilib

Dünya | 19:24 • 1 Oktyabr 2022
Adel əl-Asumi yenidən Ərəb Parlamentinin spikeri seçilib

Misir paytaxtında Ərəb Parlamentinin növbədənkənar sessiyası keçirilib.

Ərəb ölkələrinin parlamentlərinin 66 nümayəndəsinin iştirak etdiyi iclasın gündəliyində qurumun sədrinin seçilməsi məsələsi olub.

Səsvermədə Ərəb Parlamentinin hazırkı spikeri Adel Əbdülrəhman əl-Asumi nümayəndələrin 51-nin səsini toplayıb. O, yenidən bu quruma sədrlik edəcək. Sessiyada Ərəb Parlamentinin dörd vitse-spikeri də seçilib.

Ərəb Parlamentinin yeni mövsümdə ilk plenar iclası oktyabrın 4-də olacaq. Parlamentarilər komissiyaların tərkibini təsdiq edəcəklər.

Qeyd edək ki, Ərəb Parlamentinin spikerinin başçılıq etdiyi nümayəndə heyəti ötən ilin noyabrında Bakıda keçirilən Qoşulmama Hərəkatının Parlament Şəbəkəsinin təsis iclasında iştirak etmişdi. (AZƏRTAC)