Gürcüstan 2018-ci ildə sitrus meyvələrinin ixracını 6 dəfə artırıb.
AZƏRTAC xəbər verir ki, bu barədə Gürcüstanın Ətraf Mühitin Mühafizəsi və Kənd Təsərrüfatı Nazirliyi məlumat yayıb. Məlumatda bildirilir ki, 2017-ci il noyabrın 1-dən 11-dək 55 ton sitrus meyvələri ixrac olunub. 2018-ci ilin müvafiq dövründə isə bu rəqəm 610 ton təşkil edib.
2017-ci il sentyabrın 1-dən noyabrın 11-dək xarici ölkələrə 106 ton sitrus meyvəsi satıldığı halda, cari ilin müvafiq dövründə bu rəqəm 718 ton təşkil edib.
Gürcüstan sitrus meyvələrini əsasən Rusiya, Ukrayna, Qazaxıstan və Ermənistana ixrac edib.