Simmoe dağında yenidən vulkan püskürüb

Yaponiya Meteoroloji Agentliyinin yaydığı məlumata görə, Simmoe dağında baş verən növbəti vulkan püskürməsi nəticəsində tüstü 2600 metr yüksəkliyə qalxıb.

Xezerxeber.az AZƏRTAC-a istinadən xəbər verir ki, vulkan püskürməsi iyunun 22-də yerli vaxtla səhər saat 9 radələrində Kaqoşima və Miyazaki prefekturalarının sərhədində baş verib.

Rəsmi nümayəndələr vulkan külü və uçan daş parçalarından qorunmaq üçün yerli əhaliyə dağa 3 kilometr məsafədə yaxınlaşmamağı tövsiyə ediblər.

Təhlükə səviyyəsi beş ballıq cədvəlin 3-cü bəndinədək qaldırılıb. Simmoe dağında vulkan fəallığı son bir neçə ayda müşahidə edilir.