Ermənistanda keçirilən
etiraz aksiyalarının lideri Nikol Paşinyanla ölkənin baş naziri
vəzifəsini icra edən Karen Karapetyan arasında danışıqlar dayandırılıb.
XəzərXəbər erməni KİV-lərinə istinadən xəbər verir ki, bu barədə Paşinyanın
rəhbərlik etdiyi "Vətəndaş müqaviləsi” partiyasının mətbuat katibi
Tiqran Avinyan açıqlama yayıb. Onun sözlərinə görə, sabah saat 19:00-da "Respublika" meydanında mitinq keçiriləcək.
Qeyd
edilib ki, Paşinyan hakimiyyətin dinc yolla təhvil verilməsi və
növbədənkənar parlament seçkilərinin keçirilməsini tələb edib. Hakim
Respublika partiyası isə onun tələbi ilə razılaşmayıb. Bu səbəbdən
hakimiyyətlə etirazçılar arasında danışıqlar ləğv olunub.