Rusiya “bomba var” həyəcanı ilə çalxalanır -
130 min insan TƏXLİYƏ EDİLDİ
Dünya
|
17:40 • 14 Sentyabr 2017
Bu gün Sankt-Peterburq şəhərində 12 ticarət mərkəzində
insanlar təxliyə edilib.
Buna səbəb anonim zənglərin "bomba var” xəbərdarlığı olub.
Lakin hüquq-mühafizə orqanları təxliyə edilən obyektlərdə heç bir
bomba aşkarlamayıb.
Qeyd edək ki, Rusiyada 5 gündür anonim zəng dalğası davam edir.
Zənglərin ən pis vaxtı sentyabrın 12 və 13-də olub. Dünən təhlükə
Moskvaya da çatıb. Anonim zənglərdən sonra paytaxtda 50 obyektdən
40,2 min insan təxliyə edilib. Ümumilikdə anonim zənglərə görə
indiyə kimi bütün Rusiya ərazisində 420 obyektdən 130 mindən çox
insan təxliyə olunub. Lakin bütün xəbərlər əsassız çıxıb.
Hüquq-mühafizə orqanlarındakı mənbə bildirib ki, bu zənglər həm
Rusiya daxilindən, həm də xaricdən edilir.
"Rusiya daxilində belə zəngləri İŞİD qruplaşmasına bağlı olan
şəxslər edir. Xaricdən gələn zənglərin haradan olduğu
müəyyənləşməyib, lakin Ukraynadan edildiyi ehtimallar var. Bu
şəxslər müəyyən ediləndən sonra beynəlxalq axtarışa veriləcək”, -
deyə mənbə vurğulayıb./Publika.az