Bakıda sərnişinlərə komfort temperatur şəraitində avtobusun gəlməsini gözləməyə imkan verən ilk kondisioner (soyutma) sistemi olan avtobus dayanacağı istifadəyə verilib.
XəzərXəbər "caliber.az"a istinadən xəbər verir ki, avtobus dayanacağı Bakının Nəsimi rayonu, 3-cü mikrorayon ərazisində, “Memar Əcəmi” metrostansiyasının çıxışının düz yanında, pilot Hüseynbala Əliyevin adını daşıyan küçədə quraşdırılıb.
Belə bir dayanacağın quraşdırılması Bakı Şəhər İcra Hakimiyyəti başçısının tabeliyində Bakı Nəqliyyat Agentliyinin təşəbbüsüdür.