Azərbaycanda səfərdə olan İtaliya Milli Tədqiqat Şurasının üzvü, İtaliyanın
Ətraf Mühitin Analizinin Metodologiyası İnstitutunun professoru Luciano Telesca
AMEA-nın Yer Elmləri bölməsində bölmənin akademik-katibi, akademik Fəxrəddin
Qədirov və AMEA nəzdində Respublika Seysmoloji Xidmət Mərkəzinin baş
direktoru, AMEA-nın müxbir üzvü, professor Qurban Yetirmişli ilə
görüşüb.
Görüşdə AMEA Geologiya və Geofizika İnsitutunun əməkdaşları -
geologiya-mineralogiya elmlər doktoru Rafiq Səfərov, geologiya-mineralogiya elmlər
doktoru Qulam Babayev, RSXM-nin "Zəlzələ ocaqlarının dinamikası" şöbəsinin
müdiri,geologiya-mineralogiya üzrə fəlsəfə doktoru, dosent Səbinə Kazımova da
iştirak ediblər.
Qonağa Azərbaycanda aparılan seysmoloji tədqiqatlar və alınmış nəticələr
haqqında ətraflı məlumat verilib.
Luciano Telesca Azərbaycan seysmoloqlarının gördüyü işləri yüksək
qiymətləndirərək, burda aparılan tədqiqatların maraq doğurduğunu qeyd edib.
Tərəflər arasında İtaliya və Azərbaycan arasında seysmologiya sahəsində
ikitərəfli əməkdaşlıq və gələcəkdə birgə layihələrin həyata keçirilməsinə dair də fikir
mübadiləsi aparılıb.