"Əmək pensiyaları haqqında” qanuna dəyişiklik təklif olunur.
XəzərXəbər-in məlumatına görə, bununla bağlı qanunun 19 maddəsinə (əmək pensiyasının sığorta hissəsinə əlavələr) dəyişiklik edilir.
Belə ki, Əmək kitabçasında müvafiq qeydiyyat aparılan əsas iş yeri üzrə
elmi müəssisə və təşkilatlarda və ya təhsil müəssisələrində azı 25 il
çalışmış elmi dərəcəsi olan işləməyən əmək pensiyaçılarının (bu Qanunun
20-ci maddəsinə əsasən qulluq stajına görə əmək pensiyasına əlavələr
təyin edilmiş əmək pensiyaçıları istisna olmaqla) pensiyalarının sığorta
hissəsinə elmlər doktoru elmi dərəcəsinə görə 200 manat, fəlsəfə
doktoru elmi dərəcəsinə görə 120 manat məbləğində əlavə hesablanır.