Xəzər Xəbər

Səfirliyə hücum edən cinayətkarı zərərsizləşdirən şəxsin kimliyi bilindi FOTO/VİDEO

O, silahlı şəxsin üzərinə atılaraq onu zərərsizləşdirə bilib
Veb TV | 26,188 | 16:13 • 27 Yanvar 2023
Səfirliyə hücum edən cinayətkarı zərərsizləşdirən şəxsin kimliyi bilindi

Azərbaycanın İrandakı səfirliyinə hücum edən cinayətkarı zərərsizləşdirən şəxsin kimliyi müəyyən edilib.

Xezerxeber.az-ın məlumatına görə, onun Vasif Tağıyev olduğu bildirilir.

Səfirlikdəki terror aktı zamanı Vasif silahlı şəxsin üzərinə atılaraq onu zərərsizləşdirə bilib.

Vasif Tağıyev evlidir, üç uşaq atasıdır.

Qeyd edək ki, 27 yanvar 2023-cü il tarixində Bakı vaxtı ilə səhər saat 8:30 radələrində Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs avtomat silahla mühafizə postunu yararaq, mühafizə xidmətinin rəisini qətlə yetirib. Səfirliyin iki nəfər mühafizə əməkdaşı da hücumun qarşısını alarkən yaralanıblar. Hazırda hadisənin istintaqı aparılır.

Xəbər lenti