Balakəndə iki avtomobil toqquşub FOTO

Şəhər ərazisində küçələrin kəsişməsində iki avtomobil toqquşub.

Xezerxeber.az xəbər verir ki, hadisə Fizuli və Nəsimi küçələrinin kəsişməsində, sərt döngədə qeydə alınıb. “KAMAZ” markalı yük avtomobili ilə “Mercedes” markalı minik avtomobili toqquşub. Qəza “Mercedes”in sürət həddini aşması və hərəkət qaydalarını pozması nəticəsində baş verib.

Qəza nəticəsində “KAMAZ”ın bufer hissəsi zədələnib, “Mercedes” isə ciddi zədə alıb. Həmçinin “Mercedes”in sürücüsü müxtəlif dərəcəli bədən xəsarətləri ilə Balakən Rayon Mərkəzi Xəstəxanasına aparılıb.

Xəstəxanadan verilən məlumata görə, sürücünün həyatı üçün təhlükə yoxdur.

Daxili İşlər Nazirliyinin mətbuat xidmətinin Şəki regional qrupundan bildirilib ki, faktla bağlı araşdırma aparılır.