Xəzər Xəbər

Sahibkarlar üçün bank hesablarının açılması QAYDASI DƏYİŞİR

İqtisadiyyat | 08:31 • 28 Sentyabr 2023
Sahibkarlar üçün bank hesablarının açılması QAYDASI

Xezerxeber.az Dövlət Vergi Xidmətinə (DVX) istinadla xəbər verir ki, yenilikləri şərh edən maliyyə mütəxəssisi Vüqar Mirheydərovun sözlərinə görə, hazırda fərdi sahibkar və hüquqi şəxslər bank hesabı açmaq üçün öncə AVİS sisteminin onlayn kargüzarlıq alt-sistemi vasitəsilə “Banklarda hesabların açılması üçün şəhadətnamə-dublikatın alınması üçün Ərizə” formasını dolduraraq DVX-yə təqdim etməlidirlər. Ərizənin göndərilməsindən 2 gün sonra Dövlət Vergi Xidməti həmin şəhadətnamə-dublikatı ərizədə qeyd olunan bank filialına göndərir və vergiödəyicisi artıq həmin bankın filialına müraciət edərək ərizədə qeyd edilmiş hesabı aça bilər: “Yeri gəlmişkən, vergi orqanı tərəfindən verilmiş şəhadətnamə-dublikat olmadan sahibkarlıq fəaliyyəti göstərən fiziki və hüquqi şəxslərə hesabın açılmasına görə bank təşkilatı hər açılmış hesaba görə 400 manat məbləğində ciddi maliyyə sanksiyası ilə üzləşə bilər. 2023-cü il oktyabrın 1-dən isə vergiödəyicilərinin şəhadətnamə-dublikat almasına ehtiyac qalmayacaq. Vergiödəyicisi birbaşa banka gəlib hesab açmaq niyyətində olduğunu bildirəcək. Bank vergiödəyicisinin aktiv olub-olmadığını vergi orqanının bazasında yoxladıqdan sonra hesabları açıb onları bir günlük müddətə bloklaşdıracaq (məxaric əməliyyatlarının keçirilməsinə qarşı)”.

V.Mirheydərov qeyd edib ki, açılmış hesab barədə məlumatlar vergi orqanına veriləcək, vergi orqanı isə bir gün ərzində həmin vergiödəyicisinin digər hesablarına qoyulmuş sərəncam olduğu təqdirdə həmin sərəncamı yeni açılmış hesaba da şamil edib o sərəncamı banka göndərəcək. Bank alınan sərəncamı açılmış hesaba tətbiq edərək hesaba qoyulmuş bloku götürəcək.

Rubrikanın digər xəbərləri

"Naxçıvan Bank" BOKT-a
"Naxçıvan Bank" BOKT-a ÇEVRİLİR
11:52 • 20 İyun 2024
Azərbaycan neftinin qiyməti 88 dollara
Azərbaycan neftinin qiyməti 88 dollara ÇATDI
09:20 • 20 İyun 2024
Orta aylıq əməkhaqqı 1 000 manatı
Orta aylıq əməkhaqqı 1 000 manatı KEÇDİ
12:29 • 12 İyun 2024
Şərqi Zəngəzurda iki faydalı qazıntı yatağı ilk dəfə
Şərqi Zəngəzurda iki faydalı qazıntı yatağı ilk dəfə HƏRRACA ÇIXARILIR
09:35 • 12 İyun 2024
Azərbaycan neftinin qiyməti
Azərbaycan neftinin qiyməti 82 dollar
09:36 • 11 İyun 2024
Mastercard tezliklə Azərbaycanda süni intellekt
Mastercard tezliklə Azərbaycanda süni intellekt YARADIR
10:30 • 10 İyun 2024
Laçın və Ağalıda kiçik bizneslər
Laçın və Ağalıda kiçik bizneslər YARADILDI
11:44 • 7 İyun 2024

Xəbər lenti