Erməni deputatlar Azərbaycanın ərazi bütövlüyünə qarşı olan qanun layihəsini dəstəkləməyiblər

Ermənistan parlamentinin dövlət quruculuğu və hüquq komissiyası Ermənistanın Qarabağdan imtinasını kriminallaşdıran qanun layihəsini geri çevirib.

Xezerxeber.az “Sputnik Armenia”ya istinadən xəbər verir ki, müxalifət tərəfindən irəli sürülən qanun layihəsi Qarabağın öz müqəddəratını təyin etməsi hüququndan imtinaya görə Cinayət Məcəlləsində dəyişiklik nəzərdə tuturdu. 

Komissiyanın üç üzvü qanun layihəsinin lehinə, 8-i isə əleyhinə səs verib.

Qərarı dəstəkləməyənlər hakim “Vətəndaş Müqaviləsi” partiyasının üzvləri olub.

Hökumətyönlü deputatlar “Ayakve” təşəbbüsünün Azərbaycanla sülh danışıqlarına ciddi əngəl törədəcəyini açıqlamışdı.