Xəzər Xəbər

Rusiyada benzin və dizel yanacağı çatışmazlığı yaşanır - Britaniya kəşfiyyatı

Dünya | 10:47 • 24 Sentyabr 2023
Rusiyada benzin və dizel yanacağı çatışmazlığı yaşanır - Britaniya kəşfiyyatı

Rusiya Federasiyasında benzin və dizel yanacağının çatışmazlığı Rusiyanın yanacaq təchizatından ən çox asılı olan ölkələrə təsir edə bilər.

Bu barədə Britaniya Müdafiə Nazirliyi X şəbəkəsində (Twitter) kəşfiyyat məlumatlarına istinadən məlumat yayıb. 

“Son həftələrdə çox güman ki, Rusiya istehlakçıları yerli benzin və dizel yanacağının çatışmazlığı ilə üzləşirlər. Çatışmazlığın birbaşa müharibənin nəticəsi olması ehtimalı azdır. Bu, çox güman ki, bir sıra amillərlə, o cümlədən kənd təsərrüfatı tələbatının qısamüddətli artımı, illik yayda neft emalı zavodunun saxlanması və cəlbedici ixrac qiymətləri ilə bağlı olub”, - deyə hesabatda bildirilir.

Eyni zamanda, sentyabrın 21-də Rusiya daxili bazarlarını sabitləşdirmək üçün demək olar ki, bütün dizel yanacağı və neft ixracını dayandırıb.

Kəşfiyyat hesabatında deyilir: "Bu addım isə demək olar ki, sərt qlobal bazarda təchizatı daha da məhdudlaşdıracaq, ehtimal ki, hazırda Rusiya yanacaq təchizatından asılı olan ölkələrə ən böyük təsir göstərəcək". (APA)

Rubrikanın digər xəbərləri

Xəbər lenti