AKP bu gün Ərdoğanın namizədliyini elan edir

Bu gün Rəcəb Tayyib Ərdoğanın yenidən Türkiyə prezidenti postuna namizədliyi irəli sürüləcək.

Xezerxeber.az xəbər verir ki, bu barədə "Anadolu" agentliyi məlumat yayıb.

Hakim Ədalət və İnkişaf Partiyası və Milliyyətçi Hərəkat Partiyası (MHP) bu gün saat 15:00-da Rəcəb Tayyib Ərdoğanın prezidentliyə namizədliyi ilə bağlı Ali Seçki Qurumuna (YSK) müraciət edəcək.

Xatırladaq ki, AK Partiya və MHP TBMM qrupları martın 16-da ayrı-ayrılıqda keçirdikləri qapalı qrup toplantılarında Rəcəb Tayyib Ərdoğanın prezidentliyə namizədliyi ilə bağlı qərar verib.