Şenol Günəş: "Gedin, Trampla Makrondan soruşun"

AÇ-2020-nin seçmə mərhələsində Parisdə Fransa yığması ilə 1:1 hesablı heç-heçə edən Türkiyə millisinin baş məşqçisi Şenol Günəş oyundan sonra fikirlərini bölüşüb.

67 yaşlı mütəxəssis qeydə alınmış nəticəni şərh edib:

"Öncə Allahıma minnətdaram. Bir xal bizim üçün sevindiricidir. Qalib gəlmək lap gözəl olardı, amma Fransa güclü komandadır. Ağıllı oynamalı idik. Futbolçular əllərindən gələni etdi və layiq olduqları bir xalı qazandı. Azarkeşlərimiz də bizə dəstək verdi. Bütün türklərin bizdən uğur gözlədiyini bilirdik, asan keçmədi. O ümidi verdik və xoşbəxtliyə çevirmək istədik. İlk hissədə yaxşı oynamadıq. Fasilədən sonra yaxşı oynamağa başladıq, amma yetərli deyildi. Bu nəticə bizə vacib məsafə qazandırdı. İslandiya və Andorranı da məğlub etsək, qrupda lider ola bilərik".

Təcrübəli çalışdırıcı azarkeş dəstəyindən danışıb:

"Tribunalar gözəl görünürdü. Hər oyunda belə olmasını istərdim. Bizim azarkeşlər çox yaxşı idi. Fransanın da fanatları yaxşı görüntü sərgiləyirdi. Bizim fanatların səsini batırmağa çalışırdılar. Gözəl atmosfer idi. Matç dostluqla bitdi. İslandiya ilə oyun final xarakteri daşıyacaq. Üstünlüyümüz yoxdur. Çünki arxamızda Fransa kimi komanda var. Fransadan dördxal almaq və lider olmaq gözəldir. Xoşbəxtik, inşallah, belə davam edər".

Şenol Günəş türkiyəli futbolçuların qol sevincini əsgər salamı ilə qeyd etmələri barədə bunları deyib:

"Əsgər salamında pis niyyət yoxdur, elə fikirlərə sahib deyilik.Əsgər salamınıonu-bunu öldürmələri üçün etmirik.Əsgərlərimiz bizi qorumaq üçündür. Bunları həmişə mənə sual verirsiniz, ancaq belə şeylər Donald Trampla (ABŞ prezidenti - red) Emmanuel Makronun (Fransa prezidenti - red) işləridir. Gedin, onlardan soruşun. Mən komandanı çalışdırıram".

H qrupunda qərarlaşan Türkiyə yığması 8 turdan sonra 19 xalla 1-ci yerdə qərarlaşıb. 2-ci pillədəki Fransanın da 19 xalı var. İslandiya 15 xalla 3-cü yerdədir.

Rubrikanın digər xəbərləri

Bakının dünyanın idman paytaxtı olması ilə bağlı namizədliyi irəli sürüldü

18:23 • 21 Aprel 2024

Bu gün “Qəbələ” “Qarabağ”ın, “Neftçi” “Zirə”nin qonağı olacaq

13:12 • 20 Aprel 2024

"Beşiktaş" doğma meydanda qalib gəlib

09:14 • 20 Aprel 2024

Çempionlar Liqası: Bu gün yarımfinalın son iştirakçıları məlum olacaq

10:46 • 17 Aprel 2024

UEFA AFFA-nı cərimələdi

15:00 • 16 Aprel 2024

Futbolçu oyunda ürəktutma keçirdi

09:54 • 15 Aprel 2024

“Fənərbağça” qadın basketbol komandası Avropa Liqasının qalibi olub

08:30 • 15 Aprel 2024

Tomas Müller karyerasını bitirmək istəyir

04:46 • 15 Aprel 2024

Məşqçilik düşüncələrim Voronejdə yarandı Qurban Qurbanov

18:15 • 13 Aprel 2024

"Beşiktaş" bu futbolçu üçün "Bayer"lə danışıqlara başlayıb

15:00 • 11 Aprel 2024