Hollandiyanın PSV klubu yeni transferini açıqlayıb.
XəzərXəbər klubun saytına istinadən xəbər verir ki, Erediviziya təmsilçisi Almaniyanın "Leyptsiq" klubundan portuqaliyalı futbolçu Brumanı transfer edib. 24 yaşlı vingerlə 5 illik müqavilə imzalanıb. Bu keçid üçün "Leyptsiq"ə 15 milyon avro ödənilib.
BrumaPSV tarixinin ən bahalı transferi olub. Klub 2000-ci ildə serbiyalı hücumçu Mateya Kejmanın transferi üçün "Partizan"a 14 milyon avro ödəmişdi. KejmanPSV-də 122 oyuna 105 qol vurmuşdu.
"Leyptsiq" Portuqaliya millisinin üzvünü 2017-ci ildə 12,5 milyon avroya "Qalatasaray"dan transfer etmişdi.