İrana məxsus neft tankerində baş verən partlayış terror aktı ola bilər

Ciddə şəhər limanının yaxınlığında İranın milli neft şirkətinə məxsus olan tankerin partladılması terror aktı ola bilər.

AZƏRTAC İran mətbuatına istinadən xəbər verir ki, tankerdə iki partlayış baş verib. Birinci partlayış nəticəsində tankerin göyərtəsi zədələnib. İkinci partlayışda isə göyərtədə dəlik yaranıb və neft dənizə axmağa başlayıb. Hadisə yerinə yollanan texniki ekspertiza araşdırma aparır. "Sabiti” adlanan neft tankerinin ekipaj üzvləri heç bir xəsarət almayıblar.

İran texniki ekspetrizanın rəyini gözləyir.