Şimali Koreya daha iki yaxınmənzilli raketini sınaqdan keçirib.
Bu barədə Cənubi Koreyanın "Yonhap” xəbər agentliyi informasiya yayıb.
Bildirilib ki, yerli vaxtla saat 05:24 və 05:36-da Cənubi Hvanqae bölgəsindən Yapon dənizinə doğru raketlər göndərilib. 37 km hündürlüyə qədər qalxan raketlər 450 km məsafə qət edərək dənizə düşüb.
Qeyd edək ki, bu 2 həftə ərzində Şimali Koreya tərəfindən həyata keçirilən 4-cü belə sınaqdır. Sınaqların Cənubi Koreya-ABŞ hərbi təlimləri ilə eyni zamanda keçirilməsi diqqət çəkir./publika.az