Ötən ay nikaha daxil olmağa hazırlaşan 13 min 63 şəxs müayinədən keçib. B.Eyvazov adına Elmi-Tədqiqat Hematologiya və Transfuzilogiya İnstitutunun direktoru Zöhrə Əlimirzəyeva Sputnik Azərbaycan-a açıqlamasında müayinədən keçən şəxslərdə xəstəliklərin aşkarlanmasından danışıb:
"Bu ilin iyun ayında 13 min 63 nəfər müayinədən keçib. Onların 213-də talassemiya daşıyıcılığı, 12-də sifilis, 12-də HİV1/2 (QİÇS) aşkarlanıb. Hər ikisində daşıyıcılıq aşkarlanan cütlüklərin sayı isə 2 olub".Xatırladaq ki, bu ilin may ayı ərzində nikaha daxil olmaq istəyən 13 min 62 nəfər müayinədən keçib ki, onların 382-dətalassemiya daşıyıcılığı, 12-də sifilis, 4-də isə QİÇS aşkarlanmışdı. Hər ikisi talassemiya daşıyıcısı olan cütlüklərin sayı isə 4 olmuşdu.
Göründüyü kimi, daha öncəki ayın hesabatı ilə müqayisədə talassemiya daşıyıcısı, hər ikisində daşıyıcılıq aşkarlanan cütlüklərin sayında azalma, lakin HİV1/2 (QİÇS) aşkarlanan şəxslərin sayında isə artım qeydə alınıb.
