Regionlarda 125 ailə üçün intensiv meyvə bağlarının, tərəvəz və bostançılıq təsərrüfatlarının yaradılması nəzərdə tutulur.
Xezerxeber.az-ın məlumatına görə, bu məqsədlə Əmək və Əhalinin Sosial Müdafiəsi Nazirliyi ilə Heydər Əliyev Fondunun "Regional İnkişaf" İctimai Birliyi arasında özünüməşğulluq proqramının icrası sahəsində əməkdaşlığa dair memorandum imzalanıb.
Nazirliyin Aparat rəhbəri Anar Əliyev jurnalistlərə açıqlamasında bildirib ki, "Sosial bağlar" layihəsi üçün seçilən ailələrə 1,2 milyon manat vəsaitin ayrılması nəzərdə tutulur. Bu vəsaitlə layihə çərçivəsində seçilən 125 ailə üçün müvafiq aktivlər və avadanlıqlar alınacaq.
Aparat rəhbərinin sözlərinə görə, proqram çərçivəsində sosial bağlar əsasən regionlarda salınacaq.
Bu il ümumilikdə 7 min iştirakçının proqrama cəlb olunması nəzərdə tutulub. Təxminən 4 minə yaxın vətəndaş artıq təlimlərə cəlb olunub. Bu təlimlərin yekunu olaraq biznes planların müdafiəsindən sonra həmin şəxslərə aktivlərin təqdim edilməsi başa çatdırlacaq.
Xezerxeber.az mövzu ilə bağlı daha ətraflı videomaterialı təqdim edir: