Azərbaycan OPEK və qeyri-OPEK ölkələrinin Vyanada keçiriləcək toplantısına qatılacaq və neft hasilatı ilə bağlı aparılacaq müzakirələrdə iştirak edəcək.
Xezerxeber.az-ın məlumatına görə, bu barədə energetika naziri Pərviz Şahbazov məlumat verib. Onun sözlərinə görə, ötən dövr ərzində OPEC+ formatında çox məhsuldar əməkdaşlıq olub və beynəlxalq səviyyədə neft qiymətləri sabitləşib.
Nazir həmçinin qeyd edib ki, Vyana görüşündə neft hasilatının səviyyəsi ilə bağlı müzakirələr də aparılacaq.
Qeyd edək ki, OPEC+ formatlı görüş 21-23 iyun tarixlərində Avstriyanın paytaxtı Vyana şəhərində keçiriləcək. Azərbaycan qeyri-OPEK ölkəsi kimi neftin ümumi hasilatının azaldılması barədə sazişə imza atıb. Bu sazişin müddəti 2018-ci ilin birinci rübünün sonunadək uzadılıb.
Xezerxeber.az mövzu ilə bağlı daha ətraflı videomaterialı təqdim edir: