Bu marşrut boyu yollarda avtobus zolaqları çəkiləcək

7A nömrəli müntəzəm sərnişin avtobuslarının hərəkət etdiyi yollarda avtobus zolaqları təşkil olunacaq.

Xezerxeber.az xəbər verir ki, bu sözləri Bakı Nəqliyat Agentliyinin "BNA" Sərnişindaşıma fəaliyyətinin tənzimlənməsi şöbəsinin müdiri Vüqar Məmmədzadə deyib.

O bildirib ki, 7A nömrəli avtobuslar Gəncə-Qara Qarayev-Ziya Bünyadov-Moskva prospektlərindən keçir. Bu ərazilərdə avtobus zolaqlarının təşkili avtobuslar arasında intervalın azalmasına, sərnişinlərin mənzil başına daha tez çatmasına, ictimai nəqliyyatdan istifadənin artmasına imkan verəcək.