Tərtər rayonunda 3 nəfərin xəsarət alması ilə nəticələnən yol-nəqliyyat hadisəsi baş verib.
XəzərXəbər xəbər verir ki, Tərtər şəhəri Elman Hüseynov küçəsində sürücülük hüququ verən sənədi olmayan, sərxoş halda olan 1997-ci il təvəllüdlü Sahibli Sahib Mübariz oğlu idarə etdiyi “Vaz 2109” markalı minik avtomobili ilə Tərtər rayon Polis Şöbəsinin əməkdaşı, polis serjantı 1988-ci il təvəllüdlü Mehdiyev Nicat Qaçay oğlunun sürdüyü “VAZ 2107”ni vurub.
Nəticədə Nicat Mehdiyev və maşında olan 2 övladı müxtəlif dərəcəli bədən xəsarətləri alıb.
Onlar Tərtər rayon Mərkəzi Xəstəxanasına yerləşdirilib.
Faktla bağlı araşdırma aparılır.