Gədəbəy sakinini döyüb maşınını qaçırdı

İyunun 3-də Gədəbəy Rayon Polis Şöbəsinə Novo-Saratovka kəndi ərazisindən Sonalar kənd sakini Süleyman Alıyevə məxsus "VAZ-2106” markalı avtomobilin qaçırılması barədə müraciət daxil olub.

DİN-dən XəzərXəbər-ə verilən xəbərə görə, polis əməkdaşlarının keçirdikləri əməliyyat-axtarış tədbirləri nəticəsində avtomobil qısa müddətdə kəndin ərazisində şüşələri sındırılmış vəziyyətdə tapılıb.

Görülmüş tədbirlərlə hadisəni törətməkdə şübhəli bilinən Novo-Saratovka kənd sakini Emin Musayev saxlanılıb. Onun avtomobili qaçırdıqdan sonra şüşələrini daşla sındırması, həmçinin münaqişə zəminində S.Alıyevi döyməsi də müəyyən edilib. Hər iki faktla bağlı rayon polis şöbələrində araşdırmalar aparılır.