Buzovnada binanın damı təmir edilmir – Mənzillər suyun içindədir VİDEO

Paytaxtın Xəzər rayonunda beşmərtəbəli binanın sakinləri yaşadıqları binanın dam örtüyü olmamasından şikayətçidirlər.

Xezerxeber.az xəbər verir ki, söhbət Bakının Xəzər rayonu, Buzovna qəsəbəsi, Rasim İmanov küçəsindəki beşmərtəbəli binadan gedir.

Solmaz Əzizova adlı bu xanım isə deyir ki, evimin tavanları başına uçur, əlindən də heç nə gəlmir: 

Məsələ ilə bağlı Xəzər rayon icra hakimiyyətindən "Xəzər Xəbər"ə bildirdilər ki, sözügedən yaşayış binası 1 saylı Xüsusi Təyinatlı Mənzil Kommunal Təsərrüfatı Birliyinin balansındadır. Bununla əlaqədar olaraq, müvafiq təmir işlərinin aparılması ilə bağlı həmin quruma müraciət ünvanlanıb.

1 saylı Xüsusi Təyinatlı Mənzil Kommunal Təsərrüfat Birliyinin  baş mühəndisi Emin Hüseynov isə qeyd etdi binanın bu vəziyyətə düşməsinə səbəb  vaxtilə orada baş verən yanğın olub...Baş mühəndisin sözlərinə görə, sözügedən binanın sakinləri yastı dam örtüyü deyil, şifer dam örtüyü istədiklərinə görə problemin həlli gecikir. Çünki şifer örtüyün vurulması üçün aidiyyatı qurumlardan rəylər alınmaılıdır. Mənzilinə su daman sakinlər isə qurum tərəfindən materiallarla təmin edilir",- deyə əlavə edib. 

Xezerxeber.az mövzu ilə bağlı daha ətraflı videomaterialı təqdim edir: