Laçınlılar doğma yurda qayıdışın sevincini yaşayırlar REPORTAJ/VİDEO

Məlumat verdiyimiz kimi, bugünlərdə 20 ailə Laçına köçürülüb.

“Xəzər Xəbər”in əməkdaşları evlərinə köçürülən Laçın sakinlərindən birinin evində qonaq olub, onlarla söhbətləşiblər. Məlum olub ki, öz yurdlarına qayıdan laçınlılar artıq evlərinə yerləşirlər.

Bununla bağlı hazırlanmış reportajda qeyd olunur ki, 30 il əvvəl laçınlılar Laçını qoyub getmək məcburiyyətində qalanda buralar balaca, sadə evlərdən ibarət idi. İndi isə vəziyyət dəyişib.

Artıq Laçın nağıllara bənzəyən bir diyara çevrilib. Burdakı sadə və gözəl evlər, yeni küçələr, yeni binalar şəhəri valehedici formada dəyişib.

Gənclik illərini Laçında keçirən Elnur Abdullayev deyir ki, yeni Laçın yaşam üçün daha uyğundur.

Nəcəfovlar ailəsində böyükdən kiçiyə hər kəs bu günü böyük coşqu və sevinc ilə qarşılayır.

Evin xanımı gözlərinə inanmadığını deyir.

Evin böyüyü İsgəndər kişi xəyalını belə qura bilmədiyi evin gerçək olduğuna inana bilmir.

Qeyd edilir ki, yaxın vaxtlarda iş yerlərinin bəzilərinin istifadəyə verilməsi nəzərdə tutulur. Bununla da Laçına dönən insanların işlə bağlı hər hansısa problemi olmayacaq.

Hazırda Laçının hər tərəfində böyük qayıdışa hazırlıq gedir. İyun ayından etibarən daha bir qrup Laçın sakini evinə qayıdacaq.

Xezerxeber.az mövzu ilə bağlı daha ətraflı videomaterialı təqdim edir: