Xəbəri olmadan külli miqdarda vergi borcu yaranıb VİDEO

Göyçay rayon sakini Rəsul Mansurov adına vergi borcu yazıldığını iddia edir.

Xezerxeber.az-ın məlumatına görə, o, iş axtarmaq istəyərkən belə vəziyyətə düşdüyünü deyir.

Pandemiya dövründə işsiz qalan Rəsul Mansurov vatsapda yaradılmış işədüzəltmə qruplarından birinə qoşulub. Qrupda paylaşılmış bir elan onun diqqətini çəkib.

Danışıqlardan sonra ona işləyəcəyi deyilib. İş üçün deyilən obyektə gedən vətəndaş gözləmədiyi vəziyyətlə üzləşib. Adına VÖEN açıldığını, külli miqdarda vergi borcunun yarandığını öyrənib.

Rəsul Mansurovun sözlərinə görə, vəziyyətin ciddiliyini məhəkəmədən yaşadığı ünvana göndərilən məktubdan anlayıb.

Hüquqşünanslar bildirirlər ki, belə vəziyyətlə qarşılaşanlar hüquq-mihafizə orqanlarına müraciət etməlidirlər. Bundan sonra dələduzluq etdiyi iddia edilən şəxslər barəsində Cinayət Məcəlləsinin müxtəlif maddələri ilə cinayət işi açıla bilər.

Xezerxeber.az mövzu ilə bağlı daha ətraflı videomaterialı təqdim edir: