Daşkəsəndə yük maşını ilə avtomobilin toqquşması ölümə səbəb olub.
Xezerxeber.az-ın məlumatına görə, hadisə Daşkəsən-Gəncə avtomobil yolunun 18-ci kilometrliyində, Bayan kəndinin yaxınlığında qeydə alınıb.
Hərəkətdə olan minik maşını ilə yük avtomobili toqquşub. Qəza nəticəsində minik maşınının sürücüsü, rayonun Əmirvar kənd sakini 58 yaşlı Xanlar Tağıyev hadisə yerində dünyasını dəyişib.
Faktla bağlı araşdırmalar aparılır.
Bərdədə də ölümlə nəticələnən qəza olub. Hadisə Hindarx-Borsunlu avtomobil yolunun Bərdə rayonu, Soğanverdilər kəndindən keçən hissəsində qeydə alınıb. Hərəkətdə olan iki minik avtomobili qarşı-qarşıya gələrək toqquşub. Nəticədə sürücülərdən biri 70 yaşlı Cavanşir Məmmədov həyatını itirib. Digər sürücü 45 yaşlı Nurəddin Qarayev isə müxtəlif dərəcəli bədən xəsarətləri alaraq xəstəxanaya yerləşdirilib, vəziyyəti orta ağırdır.
Faktla bağlı araşdırma aparılır.
Xezerxeber.az mövzu ilə bağlı daha ətraflı videomaterialı təqdim edir: