Xəzər Xəbər

Rayonlara sərnişin daşıyan taksilər bir mərkəzə toplanacaq VİDEO

Dayanacaq üçün yer seçilib
Veb TV | 20:51 • 23 Noyabr 2022
Rayonlara sərnişin daşıyan taksilər bir mərkəzə toplanacaq

Paytaxtın ayrı-ayrı yerlərindən pərakəndə şəkildə rayonlara sərnişin daşıyan minik avtomobilləri bir mərkəzə toplanacaq. Dayanacaq üçün Bakı Beynəxalq Avtovağzal Kompleksində yer seçilib.

Xezerxeber.az-ın məlumatına görə, Bakı Beynəxalq Avtovağzal Kompleksinin mətbuat katibi Samir  Səfərov bildirib ki, 20 Yanvar dairəsi, "Şamaxinka" adlanan ərazi, 3-cü mikrorayon dairəsi və avtovağzalın ətrafında fəaliyyət göstərən taksi minik avtomobillərinin vahid mərkəzə cəlb edilməsi nəzərdə tutulub.

Dayanacaq istifadəyə verildikdən sonra avtomobillərin sazlığının yoxlanılması və sürücülərin tibbi müayinədən keçməsi də planlaşdırılır.

Sürücülər isə iddia edirlər ki, hazırda avtovağzal ərazisində dayanacaq sahəsi az olduğuna görə onlar avtomobillərini saxlamaqda çətinlik çəkirlər.

Qeyd edək ki, dayanacağın gələn ayın əvvəlində sürücülərin ixtiyarına verilməsi nəzərdə tutulur.

Xezerxeber.az mövzu ilə bağlı daha ətraflı videomaterialı təqdim edir:

Rubrikanın digər xəbərləri

Xəbər lenti