Bu gün Dövlət İmtahan Mərkəzi tərəfindən II ixtisas qrupu üzrə, eləcə də III ixtisas qrupu üzrə müvafiq altqrupların hər ikisini seçən abituriyentlər üçün coğrafiya fənni üzrə imtahan keçirilib.
Xezerxeber.az-ın məlumatına görə, 22 min 878 abituriyentin iştirakı nəzərdə tutulan imtahanlar 17 şəhər və rayonda təşkil olunub.
İmtahan iştirakçıları digər fənlərlə müqayisədə riyaziyyatdan təqdim olunan sulların nisbətən çətin olduğunu deyiblər.
DİM-dən verilən məlumata görə, 6 nəfərdə mobil telefon aşkarlandığı üçün imtahandan xaric olunub. Bir nəfərdə isə "ağıllı" saat aşkarlanıb. Sabahdan DİM-də imtahan protokolları və materialların emalına başlanılacaq. Yazılı cavab tələb edən açıq tipli tapşırıqların yoxlanılması uzun müddət tələb etdiyindən nəticələrin yaxın 2 həftə ərzində elan olunması nəzərdə tutulur.
Xezerxeber.az mövzu ilə bağlı daha ətraflı videomaterialı təqdim edir: