Bərdədə ana və 2 yaşlı oğlu dəm qazından boğularaq ölüb.
Xezerxeber.az-ın məlumatına görə, hadisə rayonun Heydər Əliyev prospektində baş verib.
Yevlax rayon sakini, 1995-ci il təvvəlüdlü Yusifova Ayşən Eldəniz qızı və övladı 2019-cu il təvvəlüdlü Əliyev Tunar Vüsal oğlu Bərdə rayonunda yaşadıqları evdə dəm qazından boğularaq ölüblər. Onların meyitləri müayinə olunması üçün Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinin Bərdə rayon şöbəsinə təhvil verilib.
Faktla bağlı rayon prokurorluğunda araşdırma aparılır.
Gəncədə isə bir ailənin 5 üzvü dəm qazından zəhərlənib. Hadisə şəhərin Gülüstan qəsəbəsində qeydə alınıb.
Bir ailənin bütün üzvlərinin zəhərlənməsinə səbəb evdə qızdırıcı kimi istifadə olunan cihaz olub. Evdə olanların hamısı- 69 yaşlı Elxan Əliyev, 41 yaşlı Kamal Əliyev və ailənin 37, 13 və 14 yaşlı daha 3 üzvü zəhərlənmə diaqnozu ilə xəstəxanaya yerləşdiriliblər. Xəstələrə tibbi yardım göstərildikdən sonra vəziyyətləri normallaşıb.
Həkimin yardımından sonra vəziyyəti normallaşan xəstələr evə buraxılıb. Hadisə ilə bağlı araşdırma başlanılıb.
Qeyd edək ki, 3 gün əvvəl də Gəncədə bir ailənin 6 nəfər üzvü dəm qazından zəhərlənmişdi.
Xezerxeber.az mövzu ilə bağlı daha ətraflı videomaterialı təqdim edir: