Xəzər Xəbər

Türkiyəli nazirlər Zəngilanda "XəzərXəbər"ə önəmli açıqlamalar verdi VİDEO

Veb TV | 20:02 • 27 Oktyabr 2021
Türkiyəli nazirlər Zəngilanda "XəzərXəbər"ə önəmli açıqlamalar verdi

Cənubi qafqazda sülh və sabitlik hər kəs üçün faydalıdır. Buna görədə Ermənıstan Azərbaycanın sülh təklıfınə  müsbət yanaşmalıdır. Türkiyənin xarici işlər naziri Mövlud Çavuşoğlu bildirib ki, Ermənistanla  aparılan danışıqlar Azərbaycanla koordınasıya edılmış şəkıldə həyata keçırilir. Türkiyə-Azərbaycan birliyi, bərabərliyi bölgədə sabitliyə xidmət edir. Türkiyənin milli müdafiə naziri Hulusi Akar isə Azərbaycana dəstəyin bundan sonra da davam edəcəyini  vurğulayıb. Türkiyəli nazirlərin Zəngilanda "XəzərXəbər"ə eksklüziv açıqlamalarını təqdim edirik.

Türkiyənin  xarici  işlər, milli müdafiə  nəqliyyat və infrastruktur nazirləri və Prezident Administrasiyasının sözçüsü  Zəngilanda "XəzərXəbər"in suallarını  cavablandırdılar. Regionda həyata keçirilən layihələrin əhəmiyyətini vurğulayıblar. 

Cənubi Qafqazda sülh və sabitlik hər kəs üçün faydalıdır.Ermənistan da bundan çox faydalanacaq. Ona görə də Ermənistan bu yöndə təşviq edilməlidir deyə  Türkiyənin xarici işlər naziri  Mövlud Çavuşoğlu bildirib.

Türkiyənin milli müdafiə naziri Hulusi Akar isə Azərbaycana dəstəyin bundan sonra da davam edəcəyini  bildirib.

Türkiyə  Prezident  Administrasiyasının sözçüsü İbrahim Kalın isə hesab edir  ki, Qarabağda 30 illik işğal dönəminə son qoyulub və regionda yeni reallıqlar yaranıb. Hazırda Qarabağda sürətli bərpa və əsaslı yenidənqurma işləri aparılır. Qısa müddətdə xeyli işlər görülüb  və bunlar  qürurvericidir.

Türkiyənin nəqliyyat və infrastruktur naziri Adil Karaismayıloğlu  isə  vurğulayıb ki, Zəngəzur dəhlizi, yaradılan infrastruktur, qurulan müəssisələr, eləcə də yatırılan sərmayələr  və bölgəyə əhəmiyyətli  dərəcədə töhfə verəcək.

Nazir  onu da qeyd edib ki, Zəngəzur dəhlizi istifadəyə veriləndən sonra daşıma xərclərində də əhəmiyyətli dərəcədə azalma müşahidə ediləcək.

Xəbər lenti