Vaksinlərə əks göstərişləri olan şəxslərə sertifikat veriləcək VİDEO

Koronavirusa qarşı vaksinlərə əks göstərişləri olan şəxslərə "Əks göstəriş sertifikat"ı veriləcək.

Xezerxeber.az xəbər verir ki, bununla bağlı Səhiyyə Nazirliyi, İcbari Tibbi Sığorta üzrə Dövlət Agentliyi və Tibbi Ərazi Bölmələrini İdarəetmə Birliyi məlumat yayıb. 

Səhiyyə Nazirliyinin mətbuat katibi Pərviz Abubəkirov deyib ki, vətəndaşlara sertifikatların verilməsi üçün xüsusi komissiya yaradaılıb.

Pərviz Abubəkirov vurğulayyıb ki, sertifikatlar yalnız əks göstərişi olan şəxslər üçün nəzərdə tutulub. 
Səhiyyə Nazirliyi digər şəxslərə isə müraciət edərək bildirib ki, virusdan qorunmağın yeganə yolu vaksinasiyadır.
Səhiyyə Nazirliyindən o da deyilib ki, sertifikat alan vətəndaşlar COVID-19 pasportu  tələb olunan yerlərə rahat şəkildə daxil ola biləcəklər.
Vətəndaşlar isə hesab edirlər ki, sertifikatların verilməsi ilə bəzi insanların narahatlığına son qoyula bilər.

Qeyd edək ki, ölkədə vurulan vaksinlərin ümumi sayı 5 milyonu keçib.

Xezerxeber.az mövzu ilə bağlı daha ətraflı videomaterialı təqdim edir: