Yük maşınının aşması ölümə səbəb olub.
Xezerxeber.az-ın məlumatına görə, hadisə səhər saatlarında Astara rayonunun Marzəsəy kəndində baş verib.
Vüqar Aslanov idarə etdiyi yük avtomobili ilə Sahil Vəliyevin evinə mişardaşı aparan zaman enişli-yoxuşlu yolda nəqliyyat vasitəsi idarəetmədən çıxıb və aşıb. Nəticədə avtomobilin yük yerində mişardaşılarının üstündə oturan 56 yaşlı Sahil Vəliyev hadisə yerində dünyasını dəyişib. Onun meyiti aidiyyəti üzrə təhvil verilib.
Abşeronda da ölümlə nəticələnən yol-nəqliyyat hadisəsi baş verib. Hadisə rayonun Novxanı qəsəbəsi ərazisində qeydə alınıb. 21 yaşlı Azər İsmayılov yolu keçmək istəyərkən onu avtomobil vurub. Ağır bədən xəsarətləri alan piyada xəstəxanaya çatdırılsa da, onun həyatını xilas etmək mümkün olmayıb. Meyit aidiyyatı üzrə təhvil verilib.
Hər iki faktlarla bağlı araşdırma aparılır.
Xezerxeber.az mövzu ilə bağlı daha ətraflı videomaterialı təqdim edir: