Türkiyədə yanan kənddən xəbər var VİDEO

Türkiyənin Artvin vilayətinin Yusufeli rayonunun Dərəiçi kəndində bir evdə başlayan, daha sonra 35 binaya və 60 ailəyə ziyan vuran yanğının dərəcəsi sübh saatlarında üzə çıxıb.

XəzərXəbər qafqazinfo-ya istinadən xəbər verir ki, kənddəki bir çox evin tamamilə yandığı müşahidə olunur. Yanğından sonra tərk edilmiş evlərinə gələn vətəndaşlar geriyə qalan əşyalarını axtarıblar. Kəndə dəymiş zərərin qiymətləndirilməsi işlərinə başlanılıb. Həmçinin inşaat texnikasının iştirakı ilə təmizlik işləri aparılır.

Kızılay humanitar yardım qrupları vətəndaşlara su, qida və digər ehtiyacları paylayıb, Fövqəladə Halların İdarə Olunması Agentliyi (AFAD) qrupları isə kənddə çadırlar qurublar.

Əkinçilik və Meşə Əməliyyat İdarəsinin baytar qrupları yanğında yaralanan mal-qaraya baxış keçiriblər.