Bakı 15 ℃
Xəzər Xəbər
USD 1.7

FHN: Güclü külək nəticəsində yaranmış təhlükəli hallarla bağlı zəruri tədbirlər görülüb video

Veb TV | 144 | 19:31 • 7 Mart 2021
FHN: Güclü külək nəticəsində yaranmış təhlükəli hallarla bağlı zəruri tədbirlər görülüb

Bu gün səhər saatlarından başlayaraq ölkə ərazisində, xüsusilə də Abşeron yarımadasında güclü küləyin əsməsi bir sıra fəsadlara yol açıb.

Xezerxeber.az Fövqəladə Hallar Nazirliyinə istinadən xəbər verir ki, bununla bağlı paytaxt Bakı şəhərində müxtəlif ünvanlarda küclü külək səbəbindən insan həyatı və sağlamlığı üçün yaranmış təhlükəli hallarla bağlı "112" telefon xəttinə məlumatlar daxil olub. Daxil olmuş məlumatlar əsasında Nazirliyin müvafiq qəza-xilasetmə qüvvələri tərəfindən zəruri təhlükəsizlik tədbirləri görülüb. Daxil olmuş zənglər əsasında FHN-in Xüsusi Riskli Xilasetmə Xidmətinin xilasediciləri tərəfindən Bakı şəhəri, Yasamal rayonu, Ələsgər Ələkbərov küçəsi və Nərimanov rayonu, Həsənoğlu küçəsində beşmərtəbəli binaların dam örtüklərində asılı vəziyyətdə qalmış dəmir parçalarının kənarlaşdırılması və ərazidə müvafiq təhlükəsizlik tədbirlərinin görülməsi, habelə Binəqədi rayonu, 3-cü Mədən küçəsində obyektdə yaranmış təhlükəli vəziyyətin aradan qaldırılması təmin olunub. 

Fövqəladə Hallar Nazirliyi bir daha əhaliyə müraciət edərək, təhlükəsizlik naminə ciddi zərurət olmadan güclü küləkli havada bayıra çıxmamağı tövsiyə edir.

Çox oxunanlar

Bu gün hava necə olacaq?
53 | 09:05 • 13 Aprel 2021