Bakı 18 ℃
Xəzər Xəbər
USD 1.7

ABŞ-ın Azərbaycana dövlət yardımını yasaqlayan 907-ci düzəliş ləğv edilməlidir video

Veb TV | 100 | 23:03 • 2 Mart 2021
ABŞ-ın Azərbaycana dövlət yardımını yasaqlayan 907-ci düzəliş ləğv edilməlidir

ABŞ Konqresi tərəfindən “Azadlığa Dəstək Aktı”na qəbul edilən 907-ci düzəlişi zaman özü ləğv edəcək.

Xezerxeber.az-ın məlumatına görə, bunu Milli Məclisinin Beynəlxalq münasibətlər və parlamentlərarası əlaqələr komitəsinin sədri Səməd Seyidov deyib.

O bildirib ki, 907-ci düzəlişi 1992-ci ildə erməni lobbisinin təşəbbüsü ilə ABŞ Konqresi qəbul edib. Bu, Azərbaycana Amerikanın birbaşa dövlət yardımını yasaqlayan düzəlişdir.

Səməd Seyidov vurğulayıb ki, həmin illərdə Azərbaycanda normal hakimiyyət və düzəlişin ləğvi üçün çıxış yolu tapacaq mütəxəssislər yox idi.

Ulu Öndər Heydər Əliyevin hakimiyyətə gəlməsi ilə digər məsələlər kimi 907-ci düzəlişin ləğvi istiqamətində də bir sıra addımlar atılıb. Hətta ABŞ rəsmiləri də anlayıblar ki, 907-ci düzəliş  ABŞ-ın milli maraqlarına qarşıdır.

Səməd Seyidov vurğulayıb ki, ABŞ-da hakimiyyət və siyasət tez-tez dəyişir, amma Azərbaycanla münasibətlər dəyişməz olaraq qalır. Azərbaycan ABŞ-ın milli maraqlarına toxunmur. ABŞ da Azərbaycanın milli maraqlarını üstün tutaraq hər hansı bir müdaxilə etmir və problem yaratmır. Ona görə də 907-ci düzəliş ləğv edilməlidir.

Millət vəkilinin fikrincə, bu düzəliş qüvvədə olsa da, əslində, yardımlardan Ermənistan daha çox məhrum qalır.

Bir neçə gün öncə ABŞ-dan olan konqresmenlərlə video formatda görüş olub və 907-ci düzəlişin ləğvi də müzakirə edilib.

Xezerxeber.az mövzu ilə bağlı daha ətraflı videomaterialı təqdim edir:

Çox oxunanlar

Bu gün hava necə olacaq?
95 | 09:06 • 20 Aprel 2021
Bir həftə iş olmayacaq
304 | 17:16 • 19 Aprel 2021
Qubadlının Yuxarı Mollu kəndi video
1,043 | 11:28 • 24 Mart 2021