Zərdabda kişi arvadını qətlə yetirib.
Xezerxeber.az-ın məlumatına görə, hadisə rayonun Təzəkənd kəndində qeydə alınıb.
Kənd sakini, 56 yaşlı Məhərrəm Aslanov ailə münaqişəsi zəminində həyat yoldaşı, 53 yaşlı Rəhilə Aslanovanı boğaraq öldürüb. Hadisə yerinə hüquq-mühafizə orqanlarının əməkdaşları cəlb olunub, Məhərrəm Aslanov saxlanılaraq istintaqa cəlb edilib.
Faktla bağlı Zərdab rayon prokurorluğunda zəruri istintaq hərəkətləri aparılır.
Samux rayonunda da qətl törədilib. Rayonun Sərkar kəndində qarın nahiyəsindən bıçaq xəsarəti almış 31 yaşlı Məmmədov Elşən Arzu oğlu xəstəxanaya aparılarkən yolda ölüb. Hadisənin təfərrüatları hələ ki bilinmir.
Faktla bağlı araşdırmalar aparılır.
Xezerxeber.az mövzu ilə bağlı daha ətraflı videomaterialı təqdim edir: