Əsəd Türkiyə qarşısında GERİ ÇƏKİLDİ: Ərdoğan-Putin zirvəsindən 3 gün sonra... - VİDEO

Suriya qoşunları avqustun 31-dən birtərəfli qaydada İdlib gərginliyin azaltma bölgəsində atəşi dayandıracaq.

Bu haqda Suriyada Düşmən tərəflərin barışığı üzrə Rusiya Mərkəzindən bildirilib.

Dəməşqin bu qərarı Türkiyə və Rusiya prezidentləri – Rəcəb Tayyib Ərdoğan və Vladimir Putinin avqustun 27-də keçirdiyi görüşündən 3 gün sonraya təsadüf etməsi diqqət çəkir.

Son həftələrdə Rusiyanın dəstəyi ilə Əsəd rejimi İdlibin cənubunda hücumlara başlamışdı. Əsəd güclərinin irəliləyişi sonrası Türkiyənin Suriyadakı bəzi bazaları rejim qüvvələri tərəfindən mühasirəyə alınmışdı.