Bakı 19 ℃
Xəzər Xəbər
USD 1.7

"TikTok"da problemlər yarandı

Texnologiya | 152 | 09:22 • 4 May 2021
"TikTok"da problemlər yarandı

Dünyanın bir sıra ölkələrində “TikTok” sosial şəbəkəsinin işində problemlər müşahidə olunur.

XəzərXəbər xəbər verir ki, bu barədə məşhur internet-resursların işini izləyən “Downdetector” xidmətinin saytı bildirib.

Məlumata görə, nasazlıqlar ABŞ-ın şərq sahili üzrə yaşayış məntəqələrində yerli vaxtla saat 10:37-də müşahidə edilməyə başlanıb. Problemlərdən ən çox ABŞ, Böyük Britaniya, Almaniya və Fransa istifadəçiləri şikayət edirlər.

Amerika istifadəçilərinin 74 faizi videolara baxışda problemlərin olduğunu, 18 faiz istifadəçi öz hesabına girə bilmədiyini, daha 7 faiz istifadəçi isə sosial şəbəkədə faylları paylaşa bilmədiyini bildirir.

2018-ci ilin ortalarında fəaliyyətə başlamış Çinin “TikTok” sosial şəbəkəsi videoçarxlar yükləməyə imkan verir. Bu sosial şəbəkə populyarlığına görə yalnız feysbuk və instaqramdan geri qalır.

Çox oxunanlar

Bir həftə iş olmayacaq
521 | 17:16 • 19 Aprel 2021