Xəzər Xəbər

İsmayıllıda avtomobil iki nəfəri vurub FOTO

Region | 10:44 • 29 Noyabr 2021
İsmayıllıda avtomobil iki nəfəri vurub

İsmayıllıda 2 nəfərin yaralanması ilə nəticələnən yol-nəqliyyat hadisəsi baş verib.

Xezerxeber.az xəbər verir ki, hadisə ötən gün saat 18:20 radələrində İsmayıllı şəhərinin Heydər Əliyev prospektində qeydə alınıb. Belə ki, rayon sakini 1966-cı il təvəllüdlü Ağamirzəyev Fazil Səməd oğlu idarə etdiyi 10-LZ-067 dövlət nömrə nişanlı "VAZ 2107" markalı minik avtomobili ilə yol kənarındakı piyada səkisində hərəkət edən iki nəfəri - İsmayıllı Rayon Mərkəzi Xəstəxanasının terapiya şöbəsinin müdiri, 1975-ci il təvəllüdlü Abbasov Elçin Şahsuvar oğlunu və onun qohumu 1981-ci il təvəllüdlü Əzizov Rövşən Aydın oğlunu vurub. Yaralılar dərhal rayon mərkəzi xəstəxanasının reanimasiya şöbəsinə yerləşdiriliblər. Vəziyyətləri ağır olduğu üçün ilkin tibbi yardım göstərdikdən sonra hər ikisi Bakı şəhərindəki xəstəxanalardan birinə göndəriliblər.

Faktla bağlı İsmayıllı rayon Polis Şöbəsi tərəfindən araşdırma aparılır.

Xəbər lenti