Mingəçevir Şəhər Polis Şöbəsinin əməkdaşları sərtləşdirilmiş karantin rejimi qaydalarına zidd olaraq gizli fəaliyyət göstərən çayxana aşkarlayıblar.
Daxili İşlər Nazirliyinin mətbuat xidmətinin Şəki regional qrupundan AZƏRTAC-a bildiriblər ki, obyektə baxış zamanı 15 nəfərin karantin rejimi qaydalarını pozduqları müəyyən edilib. İcarədar Zakir Paşayev və müştərilər barəsində İnzibati Xətalar Məcəlləsinin müvafiq maddəsi ilə cərimə protokolları tərtib olunub.