Bakı 27 ℃
Xəzər Xəbər
USD 1.7

Heydər Əliyev Fondu Şuşada “Xarıbülbül” musiqi festivalı təşkil edəcək

Mədəniyyət | 386 | 16:48 • 7 May 2021
Heydər Əliyev Fondu Şuşada “Xarıbülbül” musiqi festivalı təşkil edəcək

Azərbaycan Prezidenti İlham Əliyevin tapşırığına uyğun olaraq Azərbaycanın mədəniyyət paytaxtı Şuşa şəhərində “Xarıbülbül” musiqi festivalı keçiriləcək.

Bu barədə Heydər Əliyev Fondundan məlumat verilib.

Qeyd edək ki, Şuşanın rəmzi olan gülün adını daşıyan “Xarıbülbül” musiqi festivalı ilk dəfə 1989-cu ilin may ayında Şuşanın əsrarəngiz Cıdır düzündə təşkil olunub.

32 ildən sonra Cıdır düzündə keçiriləcək budəfəki “Xarıbülbül” musiqi festivalı Heydər Əliyev Fondu tərəfindən təşkil olunur. Hazırda festivala son hazırlıq işləri görülür.

Festival çərçivəsində Cıdır düzündə Azərbaycanda yaşayan müxtəlif xalqların musiqi yaradıcılığı “Azərbaycan musiqisində multikulturalizm” mövzusunda təqdim ediləcək, xalq mahnıları və klassik musiqidən ibarət proqram təşkil olunacaq.

Xəbər lenti

DİN azarkeşlərə müraciət etdi
18 | 13:52 • 12 İyun 2021

Çox oxunanlar